George Herald | Reuse gespook met reuse vis

Translate to:


News	Classifieds	Directory

Reuse gespook met reuse vis
07:30 (GMT+2), Thu, 29 March 2012

Frans de Swardt met die kabeljou wat 54,3 kg geweeg het.

GEORGE NUUS - Baie hengelaars droom lewenslank van 'n "honderdponder" en baie van hulle hengel al 50 jaar lank. Die swaarste kabeljou wat hulle nog gevang het onder 10 kg, maar hierdie droom het vir Frans de Swardt, onderwyser van die Hoërskool Outeniqua waar geword.

Sy gelukskoot het hy by Gouritsmond gekry nadat sy swaarste vorige kabeljou die skaal op 9 kg getrek het. De Swardt en sy hengelvriend, Albie Meyer, het met 'n vriend se boot, Wian, na Gouritsmond uitgewyk om die grotes te gaan soek. Op pad na die hengelwater het Meyer vertel van sy twee grotes wat hy daar gevang het. Hulle het die skaal op 47 kg en 44 kg onderskeidelik getrek.

Hulle het met lewendige aas, klein harders en 'n paar klein elfies ingegooi. Teen ongeveer 23:00 het De Swardt vir Meyer 'n elfie gegee om die grote mee te lok.

Sowat 30 minute later het Meyer vasgeslaan en na 'n ruk se gespook die stok vir De Swardt gegee om die geveg voort te sit. Min het hulle geweet dat hulle eers na twee en 'n half ure se geveg die vis sou oorwin. Meyer het die ankers gelig en die reuse vis het die boot vir ongeveer 'n kilometer op en af in die rivier getrek.

Hulle het vermoed dat dit 'n groot pylstert was. Meyer het later die vin bo die water gesien en besef dat dit 'n baie groot kabeljou was. Die kabeljou was dood gespook en kon nie weer teruggesit word nie.

De Swardt het besluit om die vis, wat die skaal op 54,3 kg getrek het, te laat monteur om in sy braaikamer te hang.